{"id":1305,"date":"2021-02-03T18:32:53","date_gmt":"2021-02-03T17:32:53","guid":{"rendered":"https:\/\/knfsh.al\/?p=1305"},"modified":"2021-02-05T00:46:59","modified_gmt":"2021-02-04T23:46:59","slug":"mblidhet-bordi-i-presidences-i-keshillit-nderfetar-2","status":"publish","type":"post","link":"https:\/\/knfsh.al\/en\/mblidhet-bordi-i-presidences-i-keshillit-nderfetar-2\/","title":{"rendered":"Mblidhet Bordi i Presidenc\u00ebs i K\u00ebshillit Nd\u00ebrfetar"},"content":{"rendered":"

Bordi i Presidenc\u00ebs i K\u00ebshillit Nd\u00ebrfetar t\u00eb Shqip\u00ebris\u00eb ka mbajtur dit\u00ebn e sotme me dt. 3 shkurt 2021, mbledhjen e radh\u00ebs dhe t\u00eb par\u00ebn p\u00ebr k\u00ebt\u00eb vit.<\/p>\n

K\u00ebshtu n\u00eb mbledhjen e zhvilluar, merrnin pjes\u00eb krer\u00ebt e pes\u00eb komuniteteve fetare n\u00eb vend, bashk\u00ebdrejtues dhe t\u00eb KNFSH-s\u00eb, H. Bujar Spahiu, kryetar i Komuniteti Mysliman t\u00eb Shqip\u00ebris\u00eb, Fortlumturia e tij Anastas Janullatos, kreu i Kish\u00ebs Ortodokse Autoqefale t\u00eb Shqip\u00ebris\u00eb, Mons. George Frendo, President i Konferenc\u00ebs Ipeshkvnore t\u00eb Shqip\u00ebris\u00eb, H. Dede Edmond Brahimaj, kreu i Kryegjyshat\u00ebs Bot\u00ebrore Bektashiane, Pastor Ylli Do\u00e7i, kryetar i V\u00ebllaz\u00ebris\u00eb Ungjillore t\u00eb Shqip\u00ebris\u00eb, Sekretari i P\u00ebrgjithsh\u00ebm Dr. Genti Kruja dhe p\u00ebrgjegj\u00ebsja e Financave n\u00eb KNFSH znj. Sheldiana Agaraj Jano.<\/p>\n

Takimi nd\u00ebrfetar i mbajtur n\u00eb Arqipeshkvin\u00eb e Tiran\u00ebs \u00ebsht\u00eb hapur nga Mons. Georege Frendo, nj\u00ebkoh\u00ebsisht dhe kreu n\u00eb detyr\u00eb i K\u00ebshillit Nd\u00ebrfetar t\u00eb Shqip\u00ebris\u00eb, i cili i ka theksuar se edhe pse nj\u00eb vit pandemie me plot sfida, K\u00ebshilli Nd\u00ebrfetar i Shqip\u00ebris\u00eb ka b\u00ebr\u00eb nj\u00eb pun\u00eb t\u00eb madhe me aktivitete t\u00eb ndryshme sociale dhe humanitare, prandaj ai i ka fal\u00ebnderuar t\u00eb gjith\u00eb p\u00ebr angazhimet e p\u00ebrbashk\u00ebta p\u00ebr gjat\u00eb vitit 2020 dhe sidomos pun\u00ebn e b\u00ebr\u00eb nga bordet dhe departamentit me angazhimet e bashk\u00ebpun\u00ebtor\u00ebve t\u00eb tij, Sekretarit t\u00eb P\u00ebrgjithsh\u00ebm z. Genti Kruja dhe znj. Agaraj, financiere e KNFSH-s\u00eb. M\u00eb pas sipas dhe rotacionit t\u00eb miratuar nga Bordi i Presidenc\u00ebs, Mons. George Frendo ia ka dor\u00ebzuar detyr\u00ebn e kreut t\u00eb K\u00ebshillit Nd\u00ebrfetar H. Dede Edmond Brahimajt, i cili do t\u00eb kryesoj\u00eb presidenc\u00ebn e KNFSH-s\u00eb p\u00ebr gjat\u00eb vitit 2021.<\/p>\n

N\u00eb vijim mbledhja ka vazhduar sipas rendit t\u00eb dit\u00ebs, agjend\u00eb e cila \u00ebsht\u00eb ndjekur nga Sekretari i P\u00ebrgjithsh\u00ebm i K\u00ebshillit Nd\u00ebrfetar z. Kruja, i cili ka paraqitur raportin nj\u00eb vje\u00e7ar t\u00eb KNFSH-s\u00eb. Nd\u00ebr t\u00eb tjera ai p\u00ebrmendi se, viti 2020 edhe pse nj\u00eb vit me kufizime dhe pengesa p\u00ebr shkak t\u00eb pandemis\u00eb, vlen t\u00eb theksohet se jan\u00eb sh\u00ebnuar angazhime t\u00eb shumta, si\u00e7 kan\u00eb qen\u00eb disa projekte humanitare p\u00ebr familjet n\u00eb nevoj\u00eb t\u00eb zonave s\u00eb t\u00ebrmetit, f\u00ebmij\u00ebt jetim\u00eb, spitalet, botimi p\u00ebr her\u00eb t\u00eb par\u00eb i nj\u00eb katalogu n\u00eb anglisht, nj\u00eb libri aktivitetesh n\u00eb shqip dhe anglisht, konferenca dhe simpoziume t\u00eb ndryshme, realizimi i nj\u00eb dokumentari kushtuar 30 vjetorit t\u00eb liris\u00eb s\u00eb besimit, etj. Gjat\u00eb vitit 2020 jan\u00eb zhvilluar gjithashtu dhe disa mbledhje e takime t\u00eb Bordit t\u00eb Presidenc\u00ebs, Bordit Ekzekutiv, Departamentit t\u00eb Gruas dhe Departamentit t\u00eb Rinis\u00eb.<\/p>\n

N\u00eb vijim t\u00eb mbledhjes financierja e KNFSH-s\u00eb, znj. Agaraj ka pasqyruar raportin e plot\u00eb financiar t\u00eb detajuar t\u00eb K\u00ebshillit Nd\u00ebrfetar p\u00ebr 1 vje\u00e7arin e fundit.<\/p>\n

An\u00ebtar\u00ebt e K\u00ebshillit t\u00eb Presidenc\u00ebs gjat\u00eb k\u00ebsaj mbledhjeje kan\u00eb diskutuar edhe p\u00ebr disa \u00e7\u00ebshtje t\u00eb r\u00ebnd\u00ebsishme lidhur me angazhimet e KNFSH-s\u00eb n\u00eb vazhdim\u00ebsi, si dhe p\u00ebr problematika akoma pa zgjidhje nga ana e shtetit shqiptar, si\u00e7 \u00ebsht\u00eb \u00e7\u00ebshtja e pronave t\u00eb pakthyera gjat\u00eb k\u00ebtyre tre dekadave liri besimi.<\/p>\n

\"\" \"\"\"\" \"\" \"\" \"\"<\/p>\n

Lexoni m\u00eb tep\u00ebr rreth kreut t\u00eb KNFSH-s\u00eb:<\/p>\n